Ճիշտ է ավարտվեց քանդակագործական սիմպոզիումը, բայց դեռ շարունակվում է Արցախյան հերոսամարտի զոհերի հիշատակը հավերժացնող հուշակոթողի կերտումը:Հուշարձանը շուրջ 4մ բարձրությամբ քանդակ է, որի վրա պատկերված են կենաց ծառ և իր թևերի վրա զոհված մարտիկին դեպի երկինք բարձրացնող հրեշտակ:
Հուշակոթողի վրա աշխատում են քանդակագործներ Արտիկ Քոչարյանը, Ռաֆիկ Սարգսյանը և Արամայիս Խլղաթյանը:
Հուշակոթողի վրա փորագրվելու են մարտունեցի զոհված և անհայտ կորած տղաների անունները:
Հուշակոթողը տեղադրվելու է Մարտունի քաղաքի կենտրոնում՝ քաղաքապետարանի դիմաց:
Հուշակոթողի կառուցման համար հիմնական նվիրատվությունը կատարել է մարտունեցի բարերար Իշխան Գրիգորյանը, իսկ պատվանդանի կառուցման և մյուս ընթացիկ աշխատանքներն իրականացնում է Մարտունու քաղաքապետարանը:
Հուշակոթողի բացումը նախատեսված է հոկտեմբերի վերջին:
